Maxkamadda racfaanka gobolka Galgaduud ee Galmudug ayaa maanta xukun dil toogasho ah ku riday laba eedeysane oo loo haystay kiiska dilka hooyo iyo saddex gabdhood oo ay dhashay, kuwaas oo lagu dilay deegaan hoostaga degmada Baxdo.
Labada eedeysane ee la xukumay ayaa kala ah; Cabdi Cismaan Cabdullaahi iyo Galad Axmed Xuseen, sidoo kale eedeysane Ayuub Maxamed Cabdi oo ka mid ahaa ragga loo haystay kiiskan ayaa lagu xukumay xabsi dhan 5 sano.
Maxkamaddu waxay sheegtay in xukunka uu yahay mid caddaalad u horseedaya qoyska dhibbanayaasha iyo bulshada ku nool gobolka Galgaduud.
Maxkamadda darajada koowaad ee gobolka Galgaduud ayaa hore ragan ugu xukuntay xarig 5 sano ah, balse dhibanayaasha ayaa ka qaatay racfaan.
PUNTLAND POST
