Ombelewa youndjolowele mOshikoto otai faneke i ka yandje okata kopolio kounona ve dulife po68 000 ovo ve li koshi yomido omulongo.
Eshiivifo eli okwa li la ningwa komunambelewa akula wopolohalama youndjolowele mOshikoto, Cecilia Nghidimondjila, koshoongalele Etitatu.
Olweefo lotete loshikonga shomatunilo otali ka tameka momafiku 26 Januali, omangha olweefo etivali tali ka tameka momafiku 24 Febuluali.
“Ounona aveshe ve li koshi yeedula edi otava ka mona outa vavali – kamwe omoshikonga shotete, kamwe omolweefo laxuuninwa,” osho a ti ngaho.
Nghidimondjila okwa lopota kutya moshitopolwa shaMuthiya, omikunda di li 337 nounona ve li 26 913 ova fanekwa tava ka pewa omayakulo aa; moshitopolwa shaNandjokwe, omikunda di li 331 nounona ve li 28 931; moshitopolwa shaTsumeb, omikunda di li 45 nounona ve li 12 391.
“Osha fimana opo ounona aveshe ve li koshi yeedula 10 va mone okata kopolio, kutya nee okwa li va mona nale eevenda,” osho a ti ngaho.
Okwa ti kutya, ongombelewa, ova faneka okuyakula omikunda adishe keshe koshi yoshipangelo osho shi li popepi.
Okwa indila ovadali aveshe va kwashilipaleke kutya ounona vavo ovo ve li koshi yomido omulongo ova tunilwa, shaashi okwa monika opolio.
Oministili youndjolowele nomayakulo opanghalafano oya didilika oudu wopolio 2 koNdama nokoRundu, momafiku 13 Novemba.
– NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch.
It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency,
while
maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
