Ovanambelewa vokwaamena omaliko koshitopolwahoololo shaZambezi okwa li va tula mo ehololomadilaadilo Etine koKatima Mulilo tava pula eendjabi di li xwepo nofuto yomalutaima omOyoondaxa.
Ovanambelewa vokwaamena omaliko, ve kwetelwe komesho kehangano lovanailonga ledina Namibia Public Security and Allied Workers Union (Napsawu), okwa li va yandja omukanda wavo oo tau pula osho va hala koministili youyuki noipambele yoilonga Etine.
Momukanda wa leshwa kuSiglinde Diocotlhe, ova pula kutya ondjabi ipe yoshimaliwa shi fike poN$16 movili nai tulwe moilonga okutameka muJanuali ngaashi ya tokolwa kepangelo.
Okwa lundila omahangano okwaamena omaliko kutya inaa fimaneka omafiku eendjabi nokuyandja yoo omidjalo kovanailonga.
Okwa pula elunduluko lomeendelelo.
“Otwa hala yoo vali eeministili depangelo nomahangano di kale tadi futu omahangano okwaamena omaliko she likolelela komulandu weendjabi upe, opo tu dule okufutwa nawa.
“Inatu hala omahangano okwaamena omaliko ehe fi okulineekelwa.
“Omukonakoni woilonga na konakone omahangano aa okwaamena omaliko opo a tale ngee otee liufa ngaa keeveta doilonga,” osho a ti ngaho.
Okwa weda po kutya omutumba oo hau wilike eetendela inau yandja vali eetendela komahangano okwaamena omaliko oo a dopa okuwanifa po omulandu weendjabi dipe ngaashi oveta tai ti.
“Otwe lineekela notwa itavela kutya oministili yoilonga otai tale omanyenyeto etu ndee tai kwashilipaleke kutya aa kandulwa po,” osho a ti ngaho.
Oministili youyuki noipambele yoilonga oya tota po omulandu upe weendjabi muDeseba wovaameni vomaliko, ovanailonga vomomaumbo novanailonga vomeefaalama notau tameka nowa tameka okuya moilonga mulotete laJanuali.
Molwoshinima esho, oministili youyuki oya indila ovayandji voilonga aveshe ve liufe komulandu upe weendjabi wopashiwana ndee tave liumbatele nawa ovanailonga.
Ovanambelewa vokwaamena omaliko otava ka mona oshimaliwa shi fike poN$16 movili, ewedelo okudja poN$2.50.
Ovanailonga vomomaumbo otava ka mona oshimaliwa shi fike poN$15 movili, ewedelo okudja poN$3.
Ovanailonga vomeefaalama otava ka mona oshimaliwa shi fike poN$14 movili, ewedelo okudja poN$4.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch.
It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency,
while
maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
